Med heimel i plan- og bygningsloven § 12-8 vert det med dette varsla om at Byggadministrasjon Harald Bjørndal AS har sett i gong arbeid med reguleringsplan for Rosendalstiftinga. Planområdet kan sjåast på vedlagt kart og er på om lag 30,5 daa, og omfattar område til å ønske å regulere inn eksisterande og nye tiltak, utan at nye tiltak legg innskrenkingar på ålmentas tilgang i området.
Nye tiltak vert:

  • Lokale for arkiv og lager på om lag 100 m2. Bygget er tenkt etablert i området som ligg bak dinosaurhuset, slik at dette vert eit tilleggsbygg.
  • Etablere inntil tre tretopphytter, samt eit mindre bygg på bakkeplan som er tenkt plassert kort det tidlegare stod eit kvernhus. Tretopphyttene er tenkt å nyttast til bruk og utleige for fritids- og turistføremål, stjernetitting og fugleobservasjonar og med moglegheiter for overnatting. Bygget ved kvernhusmuren er tenkt som aktivitetsrom, eventuelt for kortare utleige.
  • Etablere eit område for utgraving av fossil på om lag 20 m2. Tiltaket krev flytting av nokre sitjeplassar og tilkøyring av sand til utgravingsgropa.
  • Etablere balanseløype på ein eigna stad i parken. Dette vil krevje flytting av ein del store elvesteiner og pålegging av mjuke madrassar i løypa.
  • Innreie loftrommet i dinosaurhuset til utleige, slik at det kan nyttast til dømes til arbeid, aktivitetar, overnatting/opphaldsrom til studentar eller andre som har oppgåver knytt til parken.
  • Etablering av badebasseng/symjebasseig på ein eigna stad i parken, og skal etablerast med bilete og/eller videoar av fiskar, kollar og liknande med tilhøyrande badstue og garderobe.
  • Etablere ei enkel hengebru over Melselva, slik at ein lettare kan nytte begge sider av elva, og dermed knyte områda saman.

Oppstartsmøte med administrasjonen i kommunen vart halde 07.09.2023 og oppstartsløyve vart gjeve i same høve. Planinitiativ og referat frå oppstartsmøte ligg vedlagt i varslingsdokumenta.

 

Overordna plan:

Kvinnherad kommune sin kommunedelplan (2018) er gjeldande og har avsett planområdet til LNF (områdenamn L173) med omsynssone for bevaring av naturmiljø. Oversikt av avsett areal i og tilgrensande areal er lista opp under og vist fram i figur 1.

 

  • LNF (1): Areal for nødvendig tiltak for landbruk og reindrift og gardstilknytt næringsverknad basert på gardens ressursgrunnlag (framtidig).
  • LNF (2): Areal for nødvendig tiltak for landbruk og reindrift og gardstilknytt næringsverknad basert på gardens ressursgrunnlag (noverande).
  • LNF (3): Areal avsett for spreidd bustad-fritids- eller næringsbygg, mv. (framtidig)
  • Bandleggingssone H740_1 er område som er bandlagt etter andre lover.
  • Flaumsone H320_6 er Melselva som renn gjennom planområdet. Norconsult har vurdert flaumfaren i Rosendal, og dette vert skildra på eit seinare tidspunkt.

Ettersom området er avsett til LNF og ønska tiltak er mellom anna tretopphytte, utleige i eksisterande bygg, basseng, hengebru over Melselva m.m. vert planen i strid med KPA, men då tiltaka er ei vidareutvikling av eksisterande park, kan me ikkje sjå at desse vil gje vesentlege verknadar for området eller for tilgrensande areal.

 

Konsekvensutgreiing (KU):

Planframlegget er ikkje KU-pliktig etter Forskrift om konsekvensutredninger ettersom tiltaket i stor grad er i tråd med kommunedelplanen, og ein ønsker ein vidareutvikling av eit friluftsområde i tråd med kommunen sitt ønske for arealutvikling på staden.

 

ROS-analyse:
Det er i alle plansaker, særskilte tema som bør få får meir merksemd i planprosessen og det skal difor utarbeidast ei eigen risiko og sårbarheitsanalyse jf. PBL §4-3. I denne plansaka er det friluftsliv, rekreasjonsmoglegheiter, trafikktryggleik, skred, flaum og høgspent som er dei mest aktuelle temaane, men det kan og dukke opp hittil ukjente faktorar eller utgreiingstema i det vidare planarbeidet, vert desse vurdert fortløpande i samråd med kommunen.

 

Medverknad:

Merknad til planarbeidet skal sendast skriftleg til Byggadministrasjon Harald Bjørndal AS, Postboks 103, 5649 Eikelandsosen, eller til post@byggadmin.no innan 29.08.2024.

Ved spørsmål kan ein kontakte Petter E.T Flotve på tlf. 95795230 eller petter@byggadmin.no. Oppstartsmelding, planinitiativ og referat frå oppstartsmøte er og tilgjengeleg på kommunen si heimeside/planregister.

Oppstart av planarbeidet vert og varsla i Grenda, og kan for øvrig sjåast på vår heimeside https://byggadmin.no/kunngjeringar/.

 

Informasjonsmøte:

Det vert halde eit informasjonsmøte i planområdet (Steinparken) onsdag 21.08.2024 kl. 17.00, og de som råka part eller nabo til planframlegget er hjarteleg velkommen til møtet. Det vert forklart om planframlegget, og moglegheit til å kome med spørsmål eller innspel. Send ein e-post til petter@byggadmin.no for påmelding.